CCTV

Faalauiloa ata a le CCTV I suesuega a leoleo ise faalavelave i Mt Roskill

Ua faamatuu mai e leoleo ata mai le CCTV o ni alii se toatolu na taunuu ane ise taavale SUV lanu uliuli ao lei tupu le faalavelave na manunua tigaina ai tagata e toatolu ise faalavelave i Aukilani i le aso 20 o Fepuali. O lea aso na vallas ane ai le fesoasoani a leoleo i se fale i Marion Ave i Mt Roskill poo le 7.40 ile taeao. Taunuu atu leoleo ma maua ai alii e toatolu o loo ua manunua mai se fana mae fai si tigaina. 

O loo taua na vaaia se taavale SUV e malosi le lanu o saosaoa ese mai ma le nofoaga lea i le maea ai o le faalavelave. Valu masina tau ona tupu lea faalavelave lea la ua faamatuu ane e leoleo i Avondale ata nei e pei ona faalauiloa foi i luge o le police ten 7 ile aso ananafi , o loo maua lelei ai foi le taimi na toe tamomoe ese ai i latou ia aai atu i le taavale lea ile taimi na tupu ai le faalavelave.

 O loo fia talonna leoleo i nisi e silafia i latou o loo vaaia i ia ata aemaise foi pe alai e silafia le taavale .Fai mai leoleo e manaomia le fesoaosani a le atunuu ile foia o nei ituaiga faalavelave faapea ma ave i le faamasinoga i latou o loo faia ia solitulafono. O soo se tasi e maua se faamatalaga ia faafesootai le Police Ten 7 ile 0800 107 4636

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required