Ua oo ina tau faaiuiu le taamilosaga Super Rugby Pacific ma o le taimi aupito tāua foi lenei mo ‘au uma aemaise i taaloga i totonu o le lua vaiaso o lumanai nei auā o le a faamautu ai ma tulaga o ‘au i le faagasologa o le taamilosaga ma le agai atu i le faaiuga.
O le Round 14 o le taamilosaga lea o le a faagasolo i le vaiaso nei e amata i le fetauiga a le Fijian Drua ma le Crusaders i le taaloga e faia i le asō i Kalaiesetete sosoo ai ma le taaloga a le Reds ma le Moana Pasifika i Brisbane. Chiefs ma le Western Force i Hamilton i le aso a taeao, o le Hurricanes e fetaui ma le Rebels i Ueligitone ma le Brumbies ma le Blues e fetaui i Canberra i le po a taeao.
O taaloga o le Aso Sa e faaiu ai le round e fetaui ai le Highlanders ma le Waratahs i Dunedin.
