O le a faaopoopo tupe a fanau mo aiga e maualalalo tupe maua faapea le faasiliga mo le peimeni mo matua e maua a latou pepe fou
O nei siitaga na faailoa e le tamaitai palemia, Jacinda Ardern ao iai i le koneferenisi faaletausaga a le pati a le Leipa, ma e faapea o le a fesoasoani lea ao alu ai i luga le tau o le soifuaga ona o le Koviti
O loo tapena e oo atu i le $272 miliona tala o le a faaalu ai i totonu o le fa tausaga o i luma, ma e amata aloaia lea ia Aperila o le tausaga fou
Tusa ma le 346,000 aiga o loo agavaa i le Working for Families, ma o le 281,000 o ia aiga o loo maua le Family Tax Credit lea o loo totogi atu i tagata o loo tala penefiti ma aiga o loo faigaluega matua
O le siitaga ua faailoa mai o le a sii ai le Family Tax Credit i le latalata i le $15 i le vaiaso mo le tamaititi matua, ae $13 i le vaiaso mo isi uma tamaiti i lalo mai, ma e $5 i le vaiaso lea ua faaopoopo i luga o lea peimeni
O le tupe mo pepe fou poo le Best Start payment e $5 lea foi lea o le a tuu ai i luga, mai le $60 i le $65 tala i le vaiaso
