O lea ua faailoa mai le suafa o le tina lea na maliu i le faalavelave na lavea ai se taavale na aveina atu e se tamaititi 14 tausaga.
O Sandra Loveday e 60 tausaga na maliu ina ua kolosi e le isi taavale na ave atu e se tamaititi 14 tausaga le laina ogatotonu o le alatele ma soso’a atu ai ma lana taavale o le ituaiga o le SUV i West Coast Rd i le itu i Sisifo o Kalaiesetete i le Aso Gafua o le vaiaso nei.
Fai mai oloo tigaina le talavou i le falemai ma o faamatalaga mai le Stuff ua ta’ua ai e talitonuina na agai ese mai le talavou lea i le taavale a se tasi o lona aiga.
E leai se laisene avetaavale ma sa lē tatau lava ona aveave.
Fai mai na kolosi le laina i le ogatotonu o le alatele ma agai sa’o ai lava i le taavale a si tina lea sa sau i le isi itu.
Fai mai o si tina e toalua nai ona alo.
O loo faaauau le suesuega a leoleo.
