Ua faailoa e leoleo le tagata lea na maliu i le falemai i le mae’a o manu’aga mai se faalavelave na fana ai e le tagata i le nofoaga faasao i Aukilani le Taurima Reserve, o ia lea o Charles Anthony Pongi 32 tausaga.
Na valaauina leoleo ina ua maua lipoti o se vesiga na tulai mai i le va o ni kulupu se lua ma faalogoina ai le pāpā o fana poo le tea o le ‘afa o le 2 i le aoauli o le Aso Toonai na tea nei.
Na agai atu Pongi i le falemai i Aukilani ma manu’aga mai se fana ma maliu ai lava mulimuli ane.
O ananafi na pueina ai e leoleo se alii e 28 tausaga ona o le solia o tuutuuga e faatatau i le tatala ai i tua ma e lē o faailoaina lona sootaga i le faalaevelave e pei ona tulai mai.
