Ua faailoa mai nei i faamatalaga a le Ofisa a le Vaaitau le loulouā o le tau e ono vaaia i le tele o faaitu o Niu Sila i le aga’i atu i le amataga o le tausaga fou.
Faamauina le mamafa o timuga ma le malolosi o matagi e ono aafia ai le tele o faitu o North Island ma nisi o vaega o South Island; ma e ono aafia ai le tele o fuafuaga ma faamoemoega ua mae’a tapena iai le to’atele.
Ua faatulaga nei fautuaga o timuga mamafa mo Gisborne/Tairāwhiti ma Hawke’s Bay.
Faamauina le oo atu lea i le 90–130 milimita le mamafa o timuga mo ia faaitu ae oo atu i le 200 milimita mo Mātū o Tolaga Bay.
I lipoti ma faamatalaga mai le NZ Herald, o loo lipotia ai le iai i tulaga vaavaaia o le penisula o le Coromandel mo timuga mamafa, se’ia pā’ia le itula e 7 i le afiafi.
Māua le tetele o suavai timu e ono pa’ū, e pei ona lipotia le oo atu 15-25 mm e pa’ū i le itula.
O matagi malolosi mai Saute i Sasa’e o le a molimauina le oo atu 120 kilomita i le itula e agi malosi ma faata’uta’u savili i le tele o itu o le atunuu e aofia ai Ueligitone, Manawatū, Horowhenua faapea ma gataifale o Kāpiti.
Ua fautuaina e le ofisa o le vaaitau taavale feoa’i uma ina ia faaeteete le aga’i ai i luga o auala.
Ua o latou fautuaina foi le ono iai o ni lōlōga ma e ono motusia le eletise.
Puna o Faamatalaga: https://www.nzherald.co.nz/nz/new-year-weather-widespread-rain-gale-winds-to-hit-new-zealand-holiday-hotspots/JYNM7X7AXFG2HC2LWEN7WIPNYA/
