E le o faigofie i tagata ua le o toe nonofo i o latou fale le taumafai e toe faatalosaga fesoasoani mai kamupani inisiua na fai ai a latou inisiua.

O le tele lea o ripoti a i latou ua aafia, e le gata o le taimi o loo tatali ai mo le asia o meatotino ua faaleagaina ao le umi o le faagaioi ai.

Ua fai mai ai le malo ua faatu le New Zealand Claims Resolution Service e fesoasoani i talosaga, fofo faafitauli, ma vave ona maua se tali mo tagata e iai o latou fale ua faaleagaina e le afā.

E le fou le faia o auaunaga faapea, e pei foi ona sa iai i taimi o mafuie i Canterbury, ma sa tele le fesoasoani.

O lenei auaunaga e amatalia i le asō, ma e le gata e mafai ona valaau i le telefoni 0800 ae o le a mafai foi ona maua le aufaigaluega i community hubs i Aukilani.