O faamaumauga a le Immigration poo le ofisa o femalagaa’iga ua lipotia ua iloa ai o le toatasi mai ni tagata faigaluega se toaono na malaga mai i Niu Sila i le faato’ā mae’a o le afā na aafia ai le atunuu, malaga mai i visa ua faaigoaina o post cylone recovery visa, ua ova aso i Niu Sila.

Fai mai le televise tasi e na o le to’a 72 tagata faigaluega na aumai i lalo o lea visa, ua toe foi atu i o latou atunuu ina ua mae’a le aogā o o latou visa ta’i 6 masina.

Ua faailoa e silia ma le 1,200 i latou ia na malaga mai i le visa lea e faigaluega i galuega faamamā sa faatino i le taimi lea o le faato’ā mae’a o le afā o Gabrielle ma lologa na aafia ai Aukilani.

Fai mai le lipoti e oo mai i le masina na te’a nei o le ‘afa o i latou ia ua ese visa ua iai ma ua 177 le aofai o i latou ua iai nei i atunuu i se tulaga faasolitulafono.

I faamaumauga lava a le Immigration e pei ona lipotia ua faailoa ai o le aofai o le au ovastayer poo i latou ua ova aso i le atunuu mai le 2017, e 14 afe o loo iai pea i Niu Sila nei e aunoa ma ni visa talafeagai.

Pe ā ma le 60 pasene o i latou ia na malaga mai i visa asiasi ma o le toatele o i latou ia o sitiseni o Tonga, Samoa, Saina ma Initia.

Puna o Faamatalaga: https://www.1news.co.nz/2024/05/28/one-in-six-post-cyclone-recovery-visa-workers-overstaying