O le lagolago o le malo o Samoa i le malo o Isaraelu o le a avea ai ma pine o lea lagolago le faatūina ai o se ofisa o le malo o Samoa i lea atunuu i se taimi o le a faailoa mulimuli mai e lo tatou malo.
O le saunoaga a le afioga i le Palemia susuga Laaulialemalietoa Leuatea Polataiavao Fosi na tatala ai i le Aso Gafua le mafutaga tatalo ma anapogi a nisi o Ekalesia Kerisiano i le atunuu na ia faailoa ai ma le fuafuaga o le faatuina o se ofisa o Samoa i totonu o lea atunuu.
O le feiloa’iga a le Palemia susuga Laaulialemalietoa Leuatea Polataiavao Fosi ma le Sui Minisita o le Va i Fafo o Isaraelu ao iai i Niu Sila i lana sisiga gasegase i le masina o Setema o le tausaga na te’a nei, na faailoa ai e le Palemia ma le fuafuaga i le faatuina ose ofisa o le malo o Samoa i lea atunuu.
