Ua faailoa e Korea i Mātū i le CNN o ana faata’ita’iga o meatau i le vaiaso nei sa aofia ai ma nisi ‘au’upega fou e pei o ballistic missiles e aofia ai ma cluster bomb warheads a o taumafai ai e faalautele ana vaegā’au ma le tulaga faaniukilia faasaga ia Korea i Saute.
O le lipoti lea e pei ona faasalalauina ane e le ofisa faasalalau a le Malo o Korea i Mātū ua faia mai i le mae’a faailoa e le militeli a Korea i Saute e foliga ua o latou faalogoina o loo tafana ane missiles a Korea i Mātū mai le itu i Sasa’e o le atunuu i le lua aso talu ai.
E fai si ogaoga o aafiaga o ‘au’upega fou a Korea i Mātū e pei ona faamatalaina i le lipoti a le CNN ma i se pepa o faamatalaga ua faailoa ai e se sui mai le Matāgaluega o le Va i Fafo a Korea i Mātū e tumau pea ona avea Korea i Saute ma o latou fili ma sa o latou faatauemu foi iai ma faaigoa sui o le faigāmalo a Korea i Saute o ni vale.
Ua faailoa i lipoti o loo tulituliloa e Kim Jong Un ni sootaga vavalalata ma Lusia, Saina ma isi atunuu ia sana faamalosia ai lona tulaga.
Puna o Faamatalaga: https://edition.cnn.com/2026/04/08/asia/north-korea-cluster-bomb-warheads-intl-hnk
