Faailoa e le alii fusu ia Lupesoliai Laauliolemalietoa Joseph Parker I luga o le NZ Herald o le fusuaga lea o loo loma nei ma le alii peretania ia Derek Chisora I le Aso Sa o le a iloa ai poo o loo agai I luma ana taumafaiga pe leai.
I le taimi nei o loo tolegi Parker I le lalo o le vaavaaiga a Andy Lee ma taua e Parker o se tasi o faaiuga taua tele na ia faia.
O lona galue I lalo o le vaaaiga a lona faioga fou e tele ni suiga mai ana tolegiga tuai. Ao galulue ai ma Barry e tolegi I taimi uma ma e tele ina alu uma le malosi I tolegiga, ae i le metotia a Andy Lee e na’o le faalua lava ona tolegi I le aso e tasi ma e maua foi le taimi e malolo ai.
Taua e Parker e eseese lava auala o tolegiga a faiaoga taitasi ma o le faamalosi a Andy Lee ia te ia e taua tele le mataala I taamilosaga
taitasi.
Na ia taua foi e tele ni tala faifai a le alii o Chisora ia te ia ina ua faamaamulu mai se tasi o ana fusuaga muamua ma o lea ua lava tapena mo lea faipelega.
O le Aso 2 o Me lea o le a faataunuu ai lenei fusuaga I le va o Lupesoliai Joseph ma Derek Chisora I Manchester i Egelani.
