E 2 afe valu selau tala o le a foai e le alii lakapi o Elijah Niko mo tama filifilia o le aulakapi taitoafitu a le Manu Samoa ua sauni mo le taamilosaga fitu faavaomalo i Perth Ausetalia i le faaiuga o le vaiaso nei.
Ua faailoa e Elijah i fesootaiga i le api o foliga o le a maua e tama o le ‘au le tai 200 tala faaopoopo ai ma lana foai o pauta vaitamini ma meainu e maua ai le malosi poo energy drinks.
E pei ona silafia o se tasi lea o tama taalo lakapi fitu o le tatou atunuu ua ia faailoa lautele ona atugaluga i le naunau e siitia le tulaga o faamanuiaga e tuuina atu i tama lakapi a Samoa, ma o ia foi sa filifilia i le autaitoafitu.
O loo naunau Elijah talosia ia oo lana fesoasoani ua faailoa i tama lakapi uma o le autaitoafitu a le Manu Samoa o loo tapena mo le taamilosaga i Ausetalia.
