O Grant Robertson lea ua filifilia o le sui palemia o Niu Sila ma Andrew Little ile Minisita o le Soifua Maloloina. O le faalauiloaina mai ele tamaitai palemia o Jacinta Adern o lana kapeneta i le aso ua faailoa ai o le a tumau pea foi le portfolio o le Matagaluega o Tupe i lalo o le vaaiga a Grant Robertson. O Chris Hipkins ole minisita o le Covid 19 Response ma faatumauina foi ia te ia le Matagaluega o Aoga ma le taitai o le maota.
O Peeni Henare ole Matagaluega o le puipuiga. Ua faailoa e le palemia e lua lava ni itu taua o le a ave iai le faamuamua a le kapeneta fou e aofia ai le faatumauina o le saogalemu o Niu Sila mai le Koviti 19 atoa ai ma le unaia o le toe faaleleia o le tamaoaiga o le atunuu.
O Carmel Sepuloni ua feagai ma le Arts Culture and Heritage, le Social Development ae ole sui taitai o le pati o loo tumau pea ia Kelvin Davis lea foi o loo avea ma minisita o mataupu tau tamaiti ma le Oranga Tamariki. O Megan Woods o loo tumau pea i le Housing, Energy and Resources and Science, David Parker i le Revenue ma leisi portfolio o le Oceans and Fisheries, vaega o faigafaiva. O Stuart Nash o le a feagai ma le Economic and Regional Development, Tourism and Forestry faatasi ai ma Pisinisi Laiti. Damien Oconnor ole Trade and Export faapea le itu o faatoaga poo le Agriculture. O Nanaia Mahut i le Ofisa o le va i fafo ma o le ululai tamaitai lea ua tulle mai i lea tulaga. O Poto Williams ole minisita o Leoleo ma ua see ane i le Kapeneta. Willie Jackson ile Maori Development. Kris Faafoi o loo tumau pea i le Immigration ma Faasalalauga /Broadcasting ma o le minisita foi o Faamasinoga. O Jan Tinette ole Matagaluega o Tamaitai ma le Lotoifale, Michael Wood ile Employment Relations ma Kiri Allen i le Minisita o Faasao, Conservation. O loo maua le atoaga o le lisi i luga o upega o faasalalauga.
