Faagasolo suesuega a leoleo i se faalavelave na tulai mai i Lalovaea

O loo faia nei suesuega a le Matagaluega o Leoleo i se faalavelave na uma ai le ola o se alii talavou lea na maliu i le Aso Lua o le vaiaso nei ao loma ai lona aso fanau i nai aso na sosoo ai.

I se faatalatalanoaga a Leoleo ma le Samoa Global News na taua ai e le Sui Komesina o Leoleo Auapaau Logoitino Filipo o le alii ia Tui Enelē o Faleula Uta na maliu ina ua pa’ū ai ni lālā laau ao faatino ai se galuega faamamā laau i Lalolavaea i le vaiaso nei. 

Taua e Auapaau o faamatalaga lē aloaia o loo iai nei e faapea o nisi o lālā laau ua maea ona tatā ae le’i pa’uū lea na tanumia ai le alii o Tui i nei lalā laau.

Na vaaia le ofo alofa atu o aiga, ma uo mama e a Tui e ala i ni faamaisega i luga o upega tafailagi ma molimoli ai foi a latou faamanuiaga i lona aso fanau. O se tala faanoanoa tele i le aiga o lenei alii talavou ona o se tasi e faagalogātā ona uiga ae le gata i lea ua lata mai aso fiafia ae ua toe tulai mai nei faalavelave.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required