Ua talia ma le faafetai le sao o le malo ua faailoa mai e ala i le faaopoopo o tupe e faatupe ai aoga faafomai.

E toa 50 fanau faaopoopo o le a manuia i lenei fesoasoani e agavaa ai e aooga e avea ma fomai mai le tausaga fou ma o le a fesoasoani lea i le aotauina o fomai i totonu o Niu Sila ma se’i fesoasoani ai i le fuainumera o le aufaigaluega.

Mai sui o le aoga faafomai a le iunivesite a Aukilani o se tala fiafia le faaiuga ua faailoa mai ma e faapea foi le finagalo o le peresetene o le asosi a le New Zealand Medical Students.

E le o mautinoa mai i le taimi nei poo le a le vaevaeina o fanau aoga i aai taitasi e manuia mai lea faamanuiaga, e pei ona iai Aukilani ma le iunivesite o Otago.

Ae fai mai le sui o le aoga faafomai i le iunivesite i Aukilani, o lea ua sauni Aukilani.