Ua tele ina mae’a uluai seleselega o faalauiloa o fua o faatoaga ma lafumanu faapea faigafaiva a nisi o itumalo palota i Tumua ma Puleono, ae o le itumalo palota o Falealupo na faatoa faatino lea faamoemoe i le Aso Toonai na tea nei, lea sa molimauina ai e lē gata o uluai seleselega o fua o faatoaga ma lafumanu ae na faia ai foi le faalelega pepe a tina o fale lalaga o le itumalo, na faaeva ai ie o galuega alofiaao o matuauu ma le auseepapa o Falealupo.
O le sui Minisita o Faatoaga ma Faigafaiva le afioga Maiava Fuimaono Tito Asafo na ia molimauina lea faamoemoe, a o toesea ai le Minisita o lea matagaluega mo fonotaga i atunuu mamao.
Le Minisita lagolago o Faatoaga ma Faigafaiva afioga Maiava Fuimaono Tito Asafo
