Search
Photo Credit: Newshub

Faaauau pea ona motusia le eletise mo nisi o aiga i Northland 

O loo faaauau pea ona motusia le eletise mo le toatele o tagata i Northland, ma e le o faigofie i aiga i lenei vaitau ao amata faalogoina le malosi mai o le malulu. 

O le pa’ū ai o le pou eletise i matu o le atunuu o lea na motusia ai le eletise mo le lata i le 100,000 fale, ma e ta ane le 12 i le po anapo e lata i le 200 e lei mafai ona toe faaolaina. 

I aiga o lea ua mafai ona maua le eletise, o loo iai foi le talosaga ia faasoa lelei ona e lē o tele se sapalai, ma o loo faapitoa lea talosaga i tagata o loo nonofo i Matu o Warkworth. 

E tasi le aoga lea ua mautinoa e malolo i le asō ona e leai se eletise, o le aoga tulagalua a Kaitaia. 

Ae mai le pulenuu o Whangarei ua ia faailoa, o lea lava e faatali i se faamalamalamaga o le mafuaaga o le mea ua tupu. 

O le aoauli o le asō lea ua fai mai e tatau ona toe ola ai le eletise mo aiga uma. 

Puna o Faamatalaga: Northland locals ‘bloody fed up’ as power outages stretch on | Newshub

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required