O loo faauau pea ona tapunia auala i Tairawhiti mo feoaiga i le mae’a ai o lologa ma timuga mamafa.
O le State Highway 2 i Matu o Gisborne lea ua sau le tala e ono tapunia mo le vaiaso atoa lenei ona ua le saogalemu mo taavale mamafa faapea tagata feoai.
O le tele o le palapala solo le isi mafuaaga o le faaleagaina o auala i nofoaga tu mati’e, ma e tuufaatasia tala fou o loo faaauau pea suesuega.
Ua ta’ua i se faamatalaga mai le Waka Kotahi e le faigofie le faaleagaina o le State Highway 2, ona o le auala lea o loo tele ina faamoemoe iai feoaiga a loli ma isi taavale tetele e fesootai ai Tairawhiti ma le pito i luga o le North Island.
Ua sau ai ma le lapataiga mai nisi o kamupani o loo feaveaia uta meaai, e ono faatuai kiliva ma o loo ave pea la latou faamuamua i le felauaiga o meaai.
