O se tasi o faiga faavae mai taimi o pulega malo a le faigamalo ua maea, o le faatau o taavale fou mo Minisita o le Kapeneta i le amataga o le paeaiga   a le Palemene fou peitai ua iai se suiga i lea tulaga i pulega malo a le Faatuatua i le Atua Samoa ua Tasi.

Ua faaauau nei ona fa’aaoga e Minisita o le Kapeneta a le faigamalo fou taavale na faaoga e Minisita o le faigamalo tuai. O se suiga ua fuafua e faasaoina ai le $3 miliona tala ma e oo foi i Minisita lagolago o taavale na fa’aaoga e le fiagamalo ua maea atu.

O le tasi faavae fou a le faigamalo ua iai nei o le taofia lea o le toe faia o ni faaaloaloga faaleaganuu lea sa masani ona tapena e nuu ma afioaga ma itumalo pea oo ina tatala ma umusa ni galuega tetele.

Ua lē toe auai foi le Palemia ma Minisita o le Kapeneta sa tofusua uma i taimi o faaaloaloga ae ua na’o le Minisita faapea le Minisita Lagolago e fitoitonu iai lea galuega e auai.

O nisi ia o vaega ua suia e le faigamalo fou mai le faigamalo tuai sa iai.