Ua faaataata mai e le Qantas foliga o lana vaalele fou lea ua fuafua e faalauiloa aloaia i le 2025, e malaga sa’o atu ai mai Sini agai i le aai o Niu Ioka i Amerika faapea ma Lonetona.
Ua faaali ata o ituaiga nofoa o le a faaaogaina i lea vaalele fou.
Ua ta’ua a itiiti mai e 19 itula o le faigamalaga lea i Amerika ma i se feiloaiga ma tusitala i le asō ua faailoa ai e le pulega o le vaalele fou o le a tele le avanoa i totonu o le vaalele ma e 12 vaalele faapea ua fuafua iai, Airbus A350.
O loo aofia ai ma faiga faaonaponei e mafai ona faaaoga ai le Bluetooth ma e faaaoga fua foi le Wifi mo le maimoaina o ata ma isi polokalame a o alu le malaga umi.
O le pito i luma o le vaalele i le vaega o le First Class e aofia ai moega e 22 inisi le lautele, se nofoa faamoe ma se laulau’ai e mafai ona faaaoga e ni tgata se toalua faapea ma le televise.
