Fai mai e faaaoga e se tasi o tagata fai ata tifaga a Niu SIla o Dame Miranda Harcourt nisi o tu faa-Samoa e fesoasoani ai i nisi o igoa iloga i Hollywood ma a latou taleni.
Faailoa i le Stuff o Dame Miranda sa avea o se malo faaaloalogia i le polokalame faatalanoa a Simon Bridges ua faaigoa Generally Famous ma faatalanoa ai le mataupu lea o le agai mai o le tamaitai fai ata tifaga mai lea tulaga i le avea ma faiaoga, coaching.
Molimau ai Dame Miranda, 60 tausaga na te ave le faamamafa i nisi o fesootaiga i le va o actors poo le au fai ata tifaga e faaaoga ai se tasi o concept a Samoa o le va ma isi.
Na ia ta’ua i lea faatalanoaga e taumafai lava e faaaofia atu le Pasefika i ana galuega auā o i tonu e sau mai ai ma e na te iloa e fesoasoani tele foi i lana galuega.
Ua ia faatāua le va e pei foi ona saunoa ai le tusitala lauiloa a Samoa, Albert Wendt, o le va, e mafai ona faatusa lea i le va o le actor ma lē o loo faatonutonuina le ata, ina ia femalamalamaa’i.
