Ua faaaoga nei e le malo lana auaunaga e faaigoaina o le Temporary Accommodation Service poo le TAS e fesoasoani ai i tagata Aukilani na aafia i lologa.
O lea auaunaga e fesoasoani ai i tagata ua aafia i faalavelave faalenatura e saili ni nofoaga saogalemu ma malupuipuia e aumau ai a o toe lipea ma faaleleia o latou fale.
O le minisita o fale a le atunuu Megan Woods na ia ta’ua i se faatalanoaga i le televise a Niu Sila o le a galulue le ‘au ma aiga uma i Aukilani o loo manaomia lea auaunaga ina ia fesootai i latou ia ma nofoaga o loo avanoa mai e mafai ona faamautu iai mo le taimi nei.
Ua ta’ua o le taimi nei o loo galulue le aufaigaluega i le auaunaga lea ina ia faafesootai i latou na aafia ia ofoina iai lenei fesoasoani ae ua fautuaina foi tagata e mafai ona lesitala i luga o le upega tafailagi a le TAS poo le auaunaga lea aemaise le imeli aucklandfloodtempaccom@mbie.govt.nz pe valaau sa’o i le 0508754163 mo se fesoasoani.
