A o faatupula’ia pea le aofai o soligatulafono e aafia ai talavou i soo se vaega o Ausetalia, e iai se polokalame ua agiga i lipoti a le 9News i le vaiaso nei e agai sa’o lava i taumafaiga e faaitiitia ia soligatulafono.

O le polokalame e 10 vaiaso i le Gold Coast ua faaigoaina Everything Suarve e agai sa’o lava i le taofia o talavou mai soligatulafono a o lei oo atu i ni faasalaga.

E ui e silasila leoleo i ni faasalaga tetele mo le ausolitulafono peitai o le polokalame lea e faaaogā le alofa ma le tausia lelei ina ia toe faasa’osa’o ai ala o talavou.

O lē na amataina le polokalame, o Joseph Te Puni Fromont sa ia ta’utino o ia foi e lei lelei lona talavou ma sa aafia i le tele o le mau lu’itau e pei ona iai talavou i nei ona aso.

Na ia ta’ua ua silia ma le 236 talavou ua aogā iai le polokalame ina ua toe maua ni galuega  e faigaluega ai ma toe faamautu le soifua ma iai aiga.

E fesoasoani le Everything Suarve i talavou e lē o mautu aiga ma e faaui atu le latou polokalame agai i le vaega o faamasinoga ma isi auaunaga ma ua tele faailoga ua maua e lea polokalame ma e  lagolago foi iai leoleo ma mātua.

Fai mai o le faamoemoe ia fausia se nofoaga mautu o se wellness centre e mafai ona agai iai talavou.

E lata i le $400 afe e maua e le Everything Suarve i le tausaga mo training o loo latou saunia mo talavou.

Puna o Faamatalaga: https://9now.nine.com.au/a-current-affair/the-unique-youth-crime-program-using-compassion-to-turn-young-lives-around/f85c4a33-11a1-42d3-8c80-be0ed556af8f