Ua uma ona ave e le Zespri i le tulafono ona o le totō faasolitulafono o le kiwifruit auro mai Niu Sila, ae o lea ua oo i le faapepaina.

E lē fou finauga a le kamupani Niu Sila, le Zespri lea e sapalaiina i atunuu i fafo kiwifruit ma le au faifaatoaga a Saina.

O le kiwifruit SunGold o le Zespri lea o loo lesitalaina ai o lana oloa, peitai talu mai le 2016 na ave ai e se tasi lea laau i Saina ma faaola ai, o lea lava e lē o iai se filemu.

Ua uma lea ae o lea foi ua faaaogā e le aufaifaatoaga Saina le pepa lava e pei o le pepa o loo faapepa atu ai mai Niu Sila nei, ma ua sulu ai ma le Zespri i le Shanghai Public Security Bureau mo sana fesoasoani.

O le mau a le Zespri, o loo mafai lava ona malupuipuia pulega a pisinisi Niu Sila o loo faatau atu i Saina a latou oloa.

O le faaseā ai o le Zespri na faia ai ma suesuega ma iloa ai e iai foi isi pulega o loo aafia ai, e pei o le Dole ma le GoodFarmer.

Mai le Public Prosecutor’s Office i Saina fai mai ia Zespri, o le a faasala tagata e maua ma faamaonia.