E latalata ane i Dargaville lea ua faamauina ua māua ai le aafia o le suavai i le malosi o le alumini ua maua ai, ina ua faatino se tasi o suesuega i le Kaipara Harbour i le itu i Matu o le Wairoa River.
I lipoti mai le NZ Herald, na ta’ua ai e mai lena suesuega, ua silia ma le 30 taimi ua malosi atu ai le alumini i le suavai nai lo le malosi masani i le freshwater, ma ua moomia ai ona faaauau pe toe faatino foi nisi suesuega ina ia malamalama atili ai i le mafuaaga ua tulai ai lea faafitauli.
Mai i lipoti, na faapena ona faatino e se tasi o sui o le Cannalytic Profiling, o se kamupani ua leva ona o latou faatinoina suesuega i suavai o le atunuu.
Ma na ta’ua e lea sui, le alii o Grant Hoey, sa ia faatino ai ni suesuega ina ua ia faalogoina le tele o i’a poo figota o le sami ua tauau ina aafia, ae e lē o mautinoa pe aisea.
I ana suesuega sa ia māua ai, o loo lelei lava le suavai i le faaitu o Ruawai se’i vagana ai le uafu o Dargaville ma Tirarau St, e faapea e oo atu i le 3.25mg/L ma le 1.77mg/L le malosi o le alumini ua filogia i totonu o le suavai a ia faaitu.
O se faafitauli ua faamauina ai ua oo atu i le 59 ma le 32 taimi e ono faamalie ai tulaga aloaia o le mamā o se suavai, e pei ona iai i taiala a le Pulega o le Siosiomaga ma le Faasao i Niu Sila ma Ausetalia lea e ta’ua e tatau ona ia itiiti ifo o le 0.005mg/L le malosi o le alumini i suavai mo tulaga o puipuiga o laau e ola i le vai ma figota.
O loo iai manatu e faaauau suesuega i lea faafitauli ona o aafiaga e tulai mai pe a lē suesuea le mafuaaga ua malosi ai le alumini ua maua i suavai o ia itu o le atunuu, aemaise o le tulaga o le soifua maloloina o tagata e ala i figota ua aafia.
Puna o Faamatalaga: https://www.nzherald.co.nz/northern-advocate/news/alarmingly-high-levels-of-aluminium-found-in-northern-wairoa-near-dargaville/G6EV2Q3M3NDCVFU7ZB2NE2GMCI/
