Faaali manatu o le Faipule o Faleata No.4 ina ia toe iloilo le tulafono faavae

Ua lagona e le Palemene le tuualalo o le sui faipule o le itumalo faapalota o Faleata No.4 le tōfa Ale Vena Ale na tuusa’o i le tamaitai Palemia ma le faigamalo ua tatalo ai le sui faipule pe lē ua tatau ona toe iloilo atoa le tulafono faavae i mafuaaga, o lea ua atoa le 60 tausaga talu ona tutoatasi aemaise foi o mea na tutupu i tulaga lē mautonu na aafia ai upufai o Mālō i le maea ai o le palota tele ia Aperila.

O le saunoaga a le sui faipule na talanoaina i le tala faaaopopo muamua o le tupe na momoli ai lea tuualalo. Taua e Ale “Ia fesiligia mea uma ona o le’o malu le tatou faavae, e oo foi i le tulafono lea o le 45 aso, ua umi tele na taimi e tauaofia ai le Palemene pe a uma le faigapalota auā o lea tatou te matauina i le taimi nei e lua vaiaso, tolu vaiaso ua uma le galuega a le Ofisa o Faigapalota ua uma le final count, ua tatau ona usu le Fono a le Palemene, e a la ona tosotoso loa ona o le lē maua o le numera ae tatau atleast 30 days and parliament must not delay to convene.

O ia mea uma lau afioga e le’o atoatoa totonu o le tatou faavae ma tulafono, ae a tatou toe asiasi i le tatou faavae ma matuā faamaioio lelei le tulafono o ina e lē toe iai ni finauga ini mataupu e toe tulai mai”.

Faaalia foi e le sui faipule o le Faleata o se tasi o atinae a le Mālō o loo ave iai le lagolago a lona itumalo o le tai $1 miliona tala mo itumalo i le tausaga. 

Scroll to Top

Keep uptodate with Radio Samoa activity & promotion

* indicates required