O lafoga i luga o suāuu le isi mataupu o loo manatu le to’atele o le a aga’i iai le faamamafa a le ta’ita’i o le Itu Agai, Peter Dutton ma lana vaega pe a faailoa i le po ananei i le Palemene i le latou tali ane i le Tala Faatatau o le Tupe a le malo ua folasia i lenei vaiaso.
Fai mai le 9News o le a ofo ane ai e Dutton i tagata palota le folafolaga e 12 masina e faa’afa ai le lafoga lea, lona uiga mai le 50.8 sene o iai i le lita aga’i i le 25.4 sene i le lita, fuel excise.
O lona uiga o le a maua ai se faamāmā avega mo le ‘au faitaavale.
Na faailoa e Dutton i lana faatalanoaga o tax cuts poo le faaitiitiga i lafoga sa folasia e le malo i le paketi o ni faiga taufaavalea ae o le faamuamua lava latou o loo ave i le tau o le soifuaga, umia o fale ma le puipuiga o tagata o Ausetalia.
Puna o Faamatalaga: https://www.9news.com.au/national/peter-dutton-pledges-fuel-cost-reduction-budget-reply-speech/af8c0d7a-b3dc-4c0d-a587-67ebf4710050
