E foliga o loo eseese finagalo faaalia o sui mai le soifua maloloina i nisi o fuafuaga fou a le malo e agai tonu i le vape ma lona faaaogaina.
O loo ‘ i le lipoti a le One News o aiaiga fou ua faatulaga e le malo e aofia ai le faatapulaa o le iai o flavours o le vape ua mātele ina fiafia iai le tupulaga aemaise le faatapulaa o le faatauina o vapes taugofie.
O lona uiga o le a le mafai ona tatala nisi faleoloa fou e faatau ai vapes i totonu o le 300 mita mai aoga ma marae.
O se gaioiga ua talia lelei e aoga, pisinisi ma i latou e iai le tomai i tulaga ia i le matagaluega o le soifua maloloina peitai o loo faailoa e le televise e foliga o loo iai se feeseeseaiga i le matagaluega i nisi tulaga o loo faailoa mai i ia aiaiga fou.
Ua faailoa e le sui mai le Asthma and Respiratory Foundation, Letitia Harding i le Breakfast o ia tulafono poo aiaiga fou e le o lava le malosi.
Fai mai a ia sa fia vaai o iai se tapulaa i le aofai o faleoloa e faatau ai vapes i le atunuu atoa.
