O le mea moni e le vave maua se tali o le faafitauli o loo pisi ma tumutumu ai le toatele i Emergency Departments poo ED.
Ua lipotia le faatumulia o emergency departments i le tele o vaega o le atunuu peitai e lē o lava le aufaigaluega.
O se tala mai Kalaiesetete e 412 tagata na sulu atu i le emergency department i totonu o le 24 itula, ma i molimau ua ta’ua ai, e mafua lea ona o le toatele o gasegase e lei mafai ona maua se appointment e vaai ai le fomai faaleaiga faapea ai ma le malosi o le pepesi o le fulū.
Na ta’ua e le minisita o le soifua maloloina Dr Ayesha Verrall, o lea lava o loo galue le malo i le mafai e saili se fofo o le faafitauli o loo tumutumu ai le toatele i emergency department, peitai o le tele o le aafiaga na mafua mai lava i le Koviti ma e umi se taimi e toe tau faafoi ai i le mea sa iai muamua.
Ua faamaonia foi e le minisita e le o lava le aufaigaluega i emergency departments.
