I le 27 o tausaga o faamanatu pea e Samoa le aso faavaomalo e faasino i le tāua o aiātatau o tagata faatau poo consumer rights, o lenei masina e pa’ū tonu iai lea aso faamanatu, ua toe faamalamalama ai e sui o le Matagaluega o Pisinisi, Alamanuia ma Leipa le tulafono o faiga faatauvaga i fefaataua’iga ma aiātatau o tagata faatau, i le toe faailoa ai o le tāua o lea tulafono.
O le faatauina o se oloa mai se faleoloa o se itu sili lea ona tāua ia silafia e tagata lautele e iai o latou aiātatau e fesiligia ai sea oloa poo lelei atoatoa mo le faaaogāina.
O le Minisita o lea matagaluega na ia tatalaina le polokalame o le aso faailogaina i le aoga maualuga o le Don Bosco i Salelologa i Savaii.
Se vaega o le saunoaga a le Minisita o le Matagaluega o Pisinisi, Alamanuia ma Leipa o loo faamalosia tulafono faasino i aiātatau o tagata faatau i Samoa, le afioga Faleomavaega Titimaea Tafua.
