Search
Tuilaepa Lupesoliai Sailele Malielegaoi

E tasi lava le Palemia o Samoa – Tuilaepa

I le maea ai ona tuuina mai le faaiuga a le Faamasinoga maualuga i le Aso Gafua 28 o Iuni 2021 e faaleaogaina ai le faatautoga na faia e le Faatuatua i le Atua Samoa ua Tasi i lalo o le faleie i le Aso 24 o Me na tali fuaitau ai le Palemia o le malo tausi Tuilaepa Lupesoliai Sailele Malielegaoi e faapea

  “Manatua fo’i lea sa ou fa’alauiloa muamua atu, e na’o le tasi lava le Palemia o Samoa, e lē lua, e lua loa ni Palemia o Samoa, o le isi Palemia lea e lē taualoa, o le fouvale, o le fouvale lenā i le Mālo, mea tonu lava lenā a le Vaega lea (F.A.S.T.) lea sa fai.

Na tumau pea le finau a Tuilaepa e faapea e tatau ona atoa uma sui o le filifilia o le Palemene e to’a 52(faaopoopo ai ma le sui lona 6 tamaitai) ona faatoa mafai lea ona tauaofia le Palemene o le manatu lea a Tuilaepa ina ua tuu mai le poloaioga a le faamasinoga maualuga lea na tuu mai e tatau ona tauaofia le Palemene i totonu o le 7 aso.

Taua foi e Tuilaepa  “o le vaega taua o le faaiuga lea na tuuina mai ua faamaonia ai e solitulafono le faatautoga na fai ma e ofo lona loto ona o tagata lava ia na mua’i tuuaia le malo tausi i le lē usitaia o tulafono ma le faavae lea ua o latou faia le soligatulafono”.

Na faafetaia ai e Tuilaepa le faamasinoga i le latou faatulagana e ala i le faaiuga faatatau i le solitulafono o le faatautoga na fai nei i le Aso 24 o Me.

O le isi vaega taua o le faaiuga na faailoa mai i le vaiaso nei na taua ai e le faamasinoga maualuga afai ae lē tauaofia le palemene i totonu o le 7 aso o soo se tasi lava e taumafai e faalavelavea ma lē usitaia le poloaiga o le a molia loa i lalo o le contempt of court ma o le a tagatagai i le toe faaogaina o le principle of necessity” mo le faatautoga na fai i le Aso 24 o Me.

I se faasalalauga a le taitai o le Vaega faaupufai a le FAST Fiame Naomi Mataafa na ia taua “ o le faaiuga na tuuina mai e le faamasinoga maualuga o se auala lea mo le agai i luma o le atunuu ma faaoga ai loa le iuga na palotaina e tagata i le Aso 9 o Aperila”.

Na ia taua foi “o se avanoa lenei e faaoga lelei ai tiute a sui o le malo ina ia faatino a latou galuega ina ia tauaofia le palemene e amata mai lava i le Ao o le Malo, le failautusi o le fono aoao ma le loia sili, ma ou te talitonu o se faaiuga talafeagai ina ia fai galuega a nei sui o le Malo”.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required