E tele atu le mafai e faaitiitia ai faalavelave tautaavale I meapueata fou a le Waka Kotahi na I lo meapueata o loo iai nei.
O meapueata nei o le point to point e iloa ai le saoasaoa o le taavale mai le va o le isi meapueata agai I le isi, ma e ono auala o Aukilani o lea ua amata faapipii ai.
O auala nei e ono e taua e maualuga le tulaga lamatia I faalavelave tautaavale ma e muamua faataitai mo sina taimi ae e le I amata aloaia le faiga e faasala ai avetaavale saoasaoa.
O ni meapueata ua faamatalaina ua faamaonia I atunuu I fafo ua fesoasoani I le tuuitiitia o le saoasaoa o taaavale ma tuuitiitia ai foi le ono tutupu mai o faalavelave tautaavale matuia.
O auala I Warkworth, Dairy Flat, Redvale, Shamrock Park, Glenbrook ma Karaka lea ua amata faapipii ai faamoemoe e amata faaaoga mai le masina o Tesema.
