E silia ma le 10 afe avanoa faigaluega o le a mafai ona maua i le faataunuuina o le maliega i vaamaulu faaniukilia i lalo o le AUKUS defence pact e pei ona faailoa mai e le vaega o le Navy a Ausetalia.
O le Palemia o Anthony Albanese o le a malaga i Amerika i le vaiaso fou e faailoa le ituaiga vaamaulu ma lona design o le a iai mo le Royal Australian Navy.
I sana faamatalaga ua faia a o lumanai ai lea malaga, ua ta’ua ai e lē o loo faaauluulu iai lenei taumafaiga o le a oo atu i le faitau afe galuega e maua i lenei poloketi tele tau puipuiga a le atunuu.
I lana faatalanoaga ua tau’a ai e Vice Admiral Jonathan Mead o lea poloketi ua galulue faatasi ai Ausetalia, Amerika ma le UK ma e tele avanoa faigaluega o le a iai i vaega eseese.
