Ua agai Aukilani i le suiga o le a mafai ai ona faaaoga a latou debit ma credit cards e totogi paywave ai feoaiga e faaaoga ai pasi, train faapea vaa feoai i le sami.
O le tausaga fou lea ua fai mai le Auckland Transport o le a aloaia ai lenei suiga ma o le a o tutusa ai Aukilani ma isi aai tele e pei o Lonetona, Sini ma Hong Kong.
Mai le pulega e tauala mai i se pepa o faamatalaga o loo ta’ua ai, o le a faafaigofie atili ai i tagata e aofia ai turisi ma i latou e seāseā faaaogaina femalagaa’iga lautele.
I le taimi nei o lea e na o le HOP card o loo taliaina, peitai e amata mai le tausaga fou o le a talia ai loa e le gata o le Paywave, Apple Pay faapea le Google Pay.
E $23 miliona le tau atoa o lenei poloketi, ma a o faafaigofie ai mo tagata lautele, ae e le mafai ona faaaogaina e i latou o loo faaaogaina pasese pau poo concessions lea e aofia ai ma tagata tala penisiona faapea fanau aoga, ma e moomia ai pea le faaauau i le Hop card.
