Faaauau pea i le po anapo galuega a le tusa ma le 70 fuimu, ese ai helikopa na taumafaia le mu i Nelson.
O le mu lenei i Lee Valley na amata fui mai lava i le aoauli ananafi, peitai e ta ane lava le 10 anapo e lē o malolo sui o le tineimu ma le faamatalaga o le taeao nei e faatoa fua ai le tele o le fanua ua oo iai le afi.
E ‘afa ane le itula e 9 anapo pe ā ma le 5 eka le mamao ua oo iai.
Tuufaatasia tala o le taeao e lē o mautinoa le mafuaaga o le mu ma o lea foi na aveesea faamalosi mai nisi o aiga tuaoi ona ua le saogalemu.
A o pisi ai la le ofisa o le tineimu anapo, e latalata i le itula e 8 ae taofia lē tumau loa ma helikopa felelei mo le ‘afa itula mafua mai ina ua faasalavei e le drone ma na faaalia e le sui o le ofisa, na telē le aafiaga o a latou taumafaiga anapo ona o le faalavelave o le drone.
A o pisi ai la fuimu i Nelson, o lea foi na matuai iloga ona tigaina sui o le ofisa i Aukilani ona o le mu tele na tulai mai i Onehunga, ma o le mu lenei e oo mai lava i le taeao nei ua faamautinoa mai e le fuimu ua mafai ona taofiofi le sosolo atu i tua ae o loo ola lava le afi.
