E lei vela moa o meaai a fanau aoga Kaitaia ma na mamai ai fanau.
E toatele fanau aoga o le kolisi a Kaitaia i Northland na toe faasuati i totonu o potu aoga ma auina atu ai nisi i le falemai ona e lei vela moa o lunch a fanau na momoli atu i le aoga.
O le Bells Produce Ltd lea latou te gasesea meaai nei a fanau, ma i tala a le 1News e le o le taimi muamua lea ua leaga ai ona kuka meaai a fanau.
O molimau a nisi o fanau aoga o loo toe faamaonia ai foi talu mai le lua tausaga na suia ai agai i le Bells Produce Ltd latou te tapenaina meaai a fanau aoga, o le tulaga lava lea e oo iai.
Na vave ona gaioi faiaoga o le kolisi e ave fanau i le falemai faapea ai ma le taofi ona taumafaina pea o lunch nei e lei lelei ona tapena.
Ua mae’a logoina matua, matagaluega o le soifua maloloina, matagaluega o aoga ma mai le matagaluega o aoga o lea ua faatalanoa le kamupani na faia meaai nei.
Ua toe faatoese le Bells Produce Ltd i luga o lana Facebook page i le mea na tupu.
