E le’i auai faamasino o le faamasinoga Fanua ma Suafa i le faafeiloaiga o le Minisita Fou

O le ava o le feiloaiga na tomua a’i le sauniga e faafeiloai aloaia ai e le Matagaluega o le Faamasinoga ma le faafoeina o mataupu tau faamasinoga le tamaitai Minisita filifilia fou a le Matagaluega i tofiga o le Kapeneta a le faigamalo fou a le Vaega faaupufai a le FAST.

O le afioga i le tamaitai Minisita le tōfā ia Matamua Vasati Sili Pulufana faapea le afioga le Minisita Lagolago le tōfā Fepuleai Apulu Tusiupu Tuigamala ua galulue nei mo le vaaiga o lea Matagaluega taua o le toaiga ma le sulufaiga o le atunuu i mataupu eseese e oo i foga o le Mālō ae o se tasi foi o vae taua o le tafatolu o le pulega fefaatauagai.

O le afioga i le Faamasino Sili Satiu Simativa Perese na fai ma sui o le faamasinoga ma le matagaluega e faafeiloai le tamaitai Minisita ma le Minisita Lagolago. Taua e Simativa “Faafetai ua taitai mai e le Alii lau afioga i le Minisita e oo mai lou agavaa aua le faatinoga o ou faiva mo lenei Matagaluega, Faafetai i lou manatu mai tatou te galulue faatasi”.

Na ia taua foi “O lima ma vae ia o le tatou atunuu i mataupu tau
faamasinoga”.

O lea sauniga e le’i auai ai le afioga i le Peresetene ma sui peresetene faapea alii ma tamaitai faamasino o le faamasinoga o Fanua ma Suafa, e le’o iloa le mafuaaga ae sa faailoa mai e le Ofisa Sili o Pulega a’o le’i faia le sauniga e auai uma le Matagaluega ma le vasega o Faamasino peitai la ua na’o le afioga i le Faamasino Sili ma faamasino o le faamasinoga maualuga faapea le faamasinoga faaitumalo na auai.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required