E faitau selau tausi soifua na savalia le ala i le Aso Toonai a o tetee ai pea i le lē lelei o o latou totogi faapea le moomia o suiga e faaleleia ai le auaunaga.
E 19 savali faapea faatasiga na talo e le New Zealand Nurses Organisation i le Aso Toonai ma o se avanoa na faaleo ai lo latou popole i le lumanai o le itu tau le soifua maloloina i Niu Sila aemaise o le auaunaga faatausi soifua.
Ua fai mai ma le faalapotopotoga e le o se faiga pati faapolokiki ae ua fia faalogo tausi soifua poo le a se tali mo i latou mai ē o loo faia faaiuga.
Molimau a nisi na solo tetee i le Aso Toonai i tala a le 1News ua moomia nisi tausi soifua, moomia le siitia o itu tau saogalemu mo le aufaigaluega, faaleleia o latou totogi ma ua moomia i le taimi nei lava.
O le toatele e le o fiafia i le uumi o itula faigaluega ma e le o fesoasoani le tala ua toe sau nei i le lata i le 5,000 tausi soifua ua lesitala e fia o e galulue i Ausetalia.
Na ta’ua e tausi soifua i le Aso Toonai, o le a lē malolo la latou taualaga aemaise o loo loma le faigapalota tele a le atunu.
