E lē o maluelue le finagalo o le minisita o tupe Nicola Willis, e toe faia nisi nonogatupe faaopoopo.
E ui i le vaai mamao ma suesuega a tagata tomai faapitoa i le tamaoaiga e ono moomia e le malo le nonō mai o se isi $15 piliona faaopoopo mo le paketi o loo faatali, ae lē o suia ai le leai a le minisita.
Na saunoa manino Willis o lea lava o le a faatupe i le toe fetuunaiga o tupe ma mea totogi e tatau ona ave iai le faamuamua a le malo, faatasi ai ma auala e maua mai ai tupe.
O le toe fetuutuunaiga lenei ua fai mai ai foi ma le minisita, o le a faatupe ai le pa’ū o lafoga totogi.
Puna o Faamatalaga: Tax cuts: Finance Minister maintains there will be no extra borrowing (1news.co.nz)
