Ua lē mapu le taulogologo pea o le faalapotopotoga o le Toomaga mo ē Puapuagatia i lo tatou atunuu aemaise o mātua, ina ia faatāua le vaaia lelei o fanauiti talu ai le oo atu o nisi o matāupu i le sauāina o fanau i faiga solitulafono tau feusua’iga, ma le leiloloa o nisi tamaiti ma faasalalau e leoleo se fesoasoani i ni faamatalaga e sa’ilia ai.
Ua faailoa e le faalapotopotoga o se faanoanoaga tele se teineititi 13 tausaga e iai ona aafiaga tumau na maliu i se gaioiga solitulafono tau feusua’iga ma o loo tuua’ia ai se tasi o lona aiga.
O fanauiti mai le 8 i le 9 tausaga e tuulafoa’i ma o loo vaaia nei e le Toomaga o nisi ia o matāupu ua toe lagona ai le fagufagu pea a le Toomaga i mātua ma le lautele o le atunuu ina ia faaali uiga o le alofa moni i fanau, ma ia malupuipuia lo latou ola tuputupu a’e mai ni aafiaga o le tino ma le mafaufau ona o sauāga.
