E lē o iai se manatu o le Palemia, Christopher Luxon e sui le tulafono o loo faatapulaa ai tausaga mo nisi o auaunaga i totonu o galuega a le malo.
E foliga mai o loo lagolago pea e Luxon le tulafono ua 50 tausaga talu ona faavae mai lea o loo aiaia ai e gata mai i le 72 tausaga le matua e tatau ona litaea ai nisi o tofi, e pei o le tofiga o le Pule Sili o le ofisa o sulufaiga.
I le fesiligia ai o le Palemia poo le ā le matua o le soifua na te lagolagoina e ia, na tali Luxon i tala a le Herald, e fua lava i le tagata ma e lē o se mataupu a mea ua oo iai se iloiloga, atonu i se taimi o i luma.
Na fesiligia pe aisea e leai ai se tausaga faatapulaa mo le au faipolokiki, o le tali lava e tasi.
E lē o galuega uma i lalo o faamalumaluga a le malo o loo faatapulaa i le 70 ma ona tupu e tatau ona litaea ai, ma na saunoa le Palemia o loo iai lava tagata e oo lava i lea matua o loo fia galulue pea.
