E leai se talitonuga o le fetu o le Warriors, Roger Tuivasa-Sheck e na te moomia le sifi mai le tulaga ogatotonu i le fulupeki.
E iai ni manatu ua faaalia e aofia ai ma le kapeteni muamua a le Kiwis, Adam Blair, ua tāpā ai le ‘au ina ia sifi Tuivasa-Sheck i lona uluai tulaga sa taalo ai muamua ina ua mae’a le amataga o le taamilosaga e aunoa ma se manumaloo le Warriors.
O Tuivasa-Sheck, sa taalo i le fulupeki i lana taleni taalo liki atoa, ae sa sifi e le faiaoga o Andrew Webster i le ogatotonu ina ua toe taliu mai i le Warriors i le mae’a ai ona taalo lakapi iuni ae tuu le avanoa ia Charnze Nicoll-Klokstad e faaauau ai pea i le fulupeki.
E ui lava sa faamanu’alia Nicoll-Klokstad ae sa taofia lava Tuivasa-Sheck i le ogatotonu, ae o Taine Tuaupiki sa faatumuina le tulaga fulupeki.
Talu ai nei i le mae’a ai o le sosoo o faia’ina a le Warriors, sa logo ai e Blair ua 65 taaloga sa taalo ai mo le Warriors, le vaega o talafou a le Stuff e faapea, o le toe faafoi o Tuivasa i lona tulaga muamua sa iai, o le a maua ai e lea sui muamua o le All Blacks le tele o avanoa e talepe ai laina puipui a isi ‘au.
Ae sa faaalia e Tuivasa-Scheck, e lē o iai se fuafuaga ia te ia ma le vaega o faiaoga e sifi o ia i tua.
