A o sauni e pei ona masani ai le Surfers Paradise e talimalo i le faatasiga masani a tamaiti a’oga faai’u aso mo le tausaga nei, e lē o nofonofo ai foi malu o le malo poo leoleo i le tapenaga mo lea faamoemoe.
Pe ā ma le 20 afe tamaiti a’oga e masani ona auai i le schoolies celebration i tausaga ta’itasi ua masani ai Ausetalia i le faai’uga o le tausaga faalea’oa’oga.
Fai mai leoleo pe ā ma le 100 malu o le malo o le a faafaigaluega mo le mata’itūina o lea faamoemoe aemaise le faamautinoa o le saogalemu o ē o le a auai.
E lē aunoa lea faatasiga ma ni lu’itau i tausaga ta’itasi aemaise mo leoleo ona o le tele foi o nisi faaletonu ma amioga lē manuia sa lipotia i tausaga ua tuana’i atu.
O le tausaga muamua foi lenei o le a mafai ai ona siaki fualaau e aga’i atu ma nisi i lea faamoemoe ma o le a mafai ai ona su’esu’e ia fualaau ma fai le latou filifiliga e tuu ese mo lo latou lava saogalemu.
Puna o Faamatalaga: https://www.9news.com.au/national/police-preparations-schoolies-gold-coast/694b13be-bdb7-44de-bf04-9a72388f110f
