O i latou nai ua uma ona faauu mai iunivesite i totonu o NZ, ma o loo
umia visa faigaluega e mafai ai ona galulue i totonu o NZ, e le o ave
iai se faamuamua a le malo i le taimi nei.

O le tali mai lea a le minisita o le immigration Kris Faafoi, i le
fesiligia ai o le malo i le le tauaofia o nei tagata i lalo o kulupu o
loo mafai ona toe vave foi mai i totonu o NZ.

Saunoa foi le minisita, o loo silasila le malo i le tatau ona faapaleni
o le puipuia o NZ mai le koviti a’o toe faafoi mai ai i latou o i fafo
atoa ai ma le tau atiae o le tamaoaiga o le atunuu i itu tau galuega mo
e ua leai ni galuega i lenei tausaga.

O le toatele o e ua le mafai ona toe fo’i mai i NZ e saili galuega ai, e
ui o lea faatoa uma ona faauu mai aoga i totonu o le atunuu, sa asia ai
aiga i atunuu mamao, peitai o le tapunia o faigamalaga i le amataga o le
tausaga na le mafai ai loa ona toe foi mai ona e le o i lalo o le lisi o
tagata o loo faamuamua e NZ e toe faafoi mai i le atunuu.

O visa nei e umia e i latou ua faaalia le le fiafia e faaigoaina o le
post study work visa, ma pau le vaega o loo faamuamua e le malo e na o i
latou e umia essential skills visa.

O le vaiaso nei na faia ai solotetee a le oo i le 150 tagata i Delhi i
Initia, faatatau lava i le le mafai ona toe vave foi mai i NZ e saili
galuega ai, ma o le aso gafua o le vaiaso fou o loo fuafua ai le isi
solo tetee.

Talitonuga o i latou nei, ua galo i le malo o NZ lo latou sao i le fia
tausaga sa aumai ai i NZ ma totogi tax