E lē o iai se mafaufau o le malo i le taimi nei e mulimuli ia Ausetalia ma le faasā ona faatau o vape.
O le tapu a Ausetalia na faailoa mai ananafi ua le toe faatauina ai e faleoloa laiti vape ma o le a na o faletalavai e faatau ai, lona uiga o le a moomia le pepa talavai.
O se faaiuga o loo augofie ma lagolago e le taitai o le National, Christopher Luxon ma lona manatu e le o sa’o tulafono o loo fefaataua’i ai le vape i totonu o Niu Sila.
I faamaumauga i na o totonu lava o Niu Sila, i tausaga e lei mamao atu na faamauina ai le pa’ū o le fuainumera o tagata e taumafa tapaa i le aso, peitai ua faatupulaia le fuainumera o tagata e suia agai vaping nicotine-based products ma o loo mafuli lava lea i tupulaga talavou.
O fanau aoga i le Vasega 10 lea ua maua foi i faamaumauga ua maualuga atu le fuainumera na i lo tagata matutua i Niu Sila e tagofia le vape.
I le sau ai o le faaiuga a Ausetalia ananafi, na fai mai ai ma le minisita o le soifua maloloina, Dr Ayesha Verrall, o le vape e aoga lea e fesoasoani i tagata e tuu ai le ulaula tapaa ma e le o mafai ona momotu i le taimi nei a o agai ai e sui tulafono.
