Ua leai mai le peresetene o le pati a le National na ioe le fono faatonu e aveese mai tulaga tofi o Simon Bridges
O le laina muamua lea o le pepa o faamatalaga na sau I tua I le po o le Aso Lulu lea na faailoa mai ai e le sa avea ma taitai, Judith Collins ua auau faatasi le fono faatonu e demote Simon Bridges ona o sana tala sa fai I se tasi o sui tamaitai o le pati I tausaga ua mavae
E oo mai ananafiua toe faasagasaga le pati ia Collins ona o le auala na faia ai lea faaiuga, ma ua palota ai e sui so latou taitai
Ae mai le peresetene, Peter Goodfellow o tuuaiga nei na faia faasaga ia Simon Bridges na laga mai I luma o le fono faatonu I le Aso Lulu, ma o lea na auau faatasi e lagolago le sitepu muamua e suesue ai faamatalaga mai itu uma e lua na aafia ma ia maua foi se avanoa e tuu atu ai ia Simon e tali mai ai I tuuaiga ae e le I faia se faaiuga mautu
O lea ua tulai mai nei Dr Shane Reti, o le sa avea ma sui taitai a Collins e tauavea le tofi ao talia ai le le Aso Lua o le vaiaso fou lea ua faailoa mai o le a toe feiloai ai le pati a le National e filifili se isi o latou taitai fou
