Ua na o le ofisa o le Konesula o le Malo Tutoatasi o Samoa i totonu o Amerika Samoa, e mafai ona ia faagaioia talosaga mo le faafouina o ni Tusifolau Samoa mo i latou o alala i Tutuila ma Manu’a.
Ua aumai lea faalauiloa a le ofisa o le Konesula o le Malo o Samoa i auala o fesootaiga faaonaponei, ina ua molimauina le iai o ni ofisa malaga i totonu o le teritori ua latou faasalalau le mafai ona latou talosagaina o le toe faafou o Tusifolau o tagatanuu o Samoa Tutoatasi.
Faaalia e le ofisa o le Konesula o le a lē taliaina ma faaleaoga e le ofisa o faigamalaga a Samoa ni talosaga e tauala atu i ia auaunaga tau ofisa malaga, seia vagana ai le ofisa o le Malo o Samoa i atunuu i fafo.
O loo iai i le Ofisa o le Konesula le pule e taofia ai (authorized authority) le talosagaina o Tusifolau Samoa ma isi pepa faamaonia mai Matagaluega o le Malo o Samoa.
