Ua faamaonia mai e le Palemia Christopher Luxon e lē auai i sauniga o le Waitangi lea e faia i tausaga ta’itasi i Waitangi.
O le saunoaga a le Palemia ananafi o loo ia ta’ua ai o lea na auai i sauniga o le lua tausaga talu ai, ma o lea ua filifili ai o le a faatasi atu i isi vaega o le atunuu i le tausaga fou.
O lea ua uma ona fono le Palemia ma le National iwi Chairs Forum e pei ona iai i le aso ananafi i Ueligitione, ma ua mae’a faamalamalama foi iai fetuuna’iga o le a faasafua ai sui o le malo i le tele o vaega o le atunuu e faamanatu ai le Waitangi.
O le fai mai ai o le Palemia e lē auai i Waitangi, o se faanoanoaga lea i le faatonu o le National Waitangi Trust, ia Pita Tipene, ona i lona silafia e leai lava se isi nofoaga e tatau ona faamanatu ai le Waitangi na i lo fanua o Waitangi.
Ua tuua’ia ai e le ta’ita’i o le Labour, Chris Hipkins le Palemia, ua sola ese mai faafitauli na ia fafauina.
E oo mai i le taeao nei e lē o iloa tonu poo fea lea o le a fai Waitangi ai Luxon, pau o lea e faailoa mai e latalata ia Fepuari o le tausaga fou.
Puna o Faamatalaga: Prime Minister confirms he won’t be at Treaty Grounds on Waitangi Day
