Fiame & Tuilaepa - Radio Samoa
Tuilaepa Lupesoliai Sailele Malielegaoi & Fiame Naomi Mata'afa

Ave le tagi a Tuilaepa i leoleo faasaga ia Fiame

O le teena e le taitai o le Faatuatua i le Atua Samoa ua Tasi Fiame Naomi Mata’afa o tuuaiga a le Palemia Tausi Tuilaepa Lupesoliai Sailele Malielegaoi na faalauaitele ai e Tuilaepa tuuaiga o ni feiloaiga a Fiame  ma nisi o faamasino.

Ua ave ai nei le tagi a le Palemia Tausi i leoleo i se vaega o le saunoaga faalauaitele a le afioga i le sa’o faapito na faailoa ai se taumafaiga a Tuilaepa e feilolai atu ini faamasino o le faamasinoga maualuga i le ofisa o le faamasinoga (….unlike Tuilaepa who has personally visited the Court complex at Mulinuu attempting to speak to at least 3 sitting Supreme Court Judges….) ma le taumafaiga a nisi o faipule o le HRPP e afea maota o ni faamasino o le faamasinoga maualuga i le po.

I se pepa o faamatalaga mai le ofisa sooupu o le Malo o loo aumai ai se finagalo o Tuilaepa ma ia fa’aalia o se taimi muamua lenei talu na avea ma palemia ua tuuaia ai o ia i se taumafaiga e faafeiloai ni faamasino.

O le talosaga a Tuilaepa i Leoleo ia suesue tuuaiga a le taitai o le FAST i lalo o aiaiga o le tulafono o faiga tau faaleaga lea a faamaonia e mafai ona nofo sala i le falepuipui.

O lea saunaoga faalauaitele a Fiame na tali atu ai i se taumafaiga a le vaega faaupufai a le HRPP e osofai le maopopoga ma le tutoatasi o le faamasinoga e ala i se faaseā a lea vaega faaupufai na tuuina atu e le latou failautusi i le Komisi o Galuega a le Faamasinoga i se taumafaiga e taofi le Faamasino Sili mai le tauaveina o suesuega o le faamasinoga o talosaga apili lea o loo tālia nei se iuga.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required