Ua ave nei i le faamasinoga e le aiga o le tina matua o Clare Nowland 95 tausaga lea na taser e le leoleo i le nofoaga o tagata matutua sa aumau ai, le faigamalo a Niu Sa Uelese.
O le vaiaso nei ua faamaonia mai ai ia faamatalaga ina ua alia’e le mataupu i le faamasinoga faaitumalo i Bega ma o isi lipoti mai le 9News ua ta’ua ai na faia le tagi lea a le aiga a o taofia le tina matua i le falemai i Cooma lea na maliu ai lava i le masina o Me.
O le aso 19 o Me o loo lipotia na faia ai le tagi lea i le faamasinoga ae lima aso mulimuli ane maliu le tina.
Ua faatulaga nei le faamasinoga o le mataupu lea mo le aso 24 o Aokuso.
